INFORMACIÓN PRÁCTICA

 Xa vai quedando menos para que volvamos a desfrutar da 8ª Andaina Terras de Altamira - Concello de Brión.

Para poder desfrutar plenamente da proba, propoñemosche unha serie de recomendacións/aclaracións:

1.- OBXECTIVO. Recordamoche que o principal obxectivo desta proba é fomentar a realización de exercicio físico de maneira non elitista xerando un día de festa e convivencia co deporte como pano de fondo. Esta proba NON É COMPETITIVA.

2.- APARCAMENTOS. Haberá duas amplas zonas de aparcamento moi preto da Carballeira de Santa Minia xusto detrás da Capela de Santa Minia. Estará convintemente sinalizado. 

3.- IDENTIFICACIÓN DAS PERSOAS PARTICIPANTES. Todas as persoas participantes, teñan ou non dereito á bolsa do sendeirista, ten que acreditar a súa identidade e recoller o seu dorsal para participar na proba. A tal efecto podes pasar pola CASA DA CULTURA DE BRIÓN o venres 19 de maio en horario de 16 a 20h. (recomendado) ou ben o sábado 20 de maio entre as 7:30 e as 8:45.

4.- PULSEIRA IDENTIFICATIVA. A cada persoa participante seralle entregada unha pulseira identificativa que deberán levar colocada en todo momento mentres estean realizando a proba. Esta pulseira, ademais de servir como dorsal e identificación, tamén servirá para establecer os controis de paso de cada distancia. Os controis estableceranse nos distintos avituallamentos e debedes esixir que vos poñan unha marca na pulseira para deixar constancia do voso paso por ese punto.

5.- TELÉFONO DE EMERXENCIAS: 696 981 424. Poñemos a disposición dos participantes un teléfono de emerxencias/urxencias que poderedes utilizar só en casos necesarios. NON DISPÓN DE SERVIZO DE WHATSAPP.

6.- SERVIZOS MÉDICOS. A andaina contará cun servizo médico-sanitario, que constará dunha ambulancia e un médico na zona de saída/meta. Os servizos médicos e os membros da organización estarán facultados para retirar da proba a calquera participante que manifeste un mal estado físico durante o  desenvolvemento da mesma. Esta ambulancia só se desprazara no caso de urxencias ou accidente, do contrario terá a súa base de operacións na Carballeira de Santa Minia e poderase acudir a ela sempre que sexa necesario.

7.- AVITUALLAMENTOS. Ao longo do percorrido haberá avituallamentos sólidos é líquidos, así como dúas zonas con "avituallamentos mais abundantes", co cal non teredes que cargar con moita comida durante a proba. De todos xeitos é recomendable ir sempre provisto de auga e algunha froita/barriña enerxética. Así mesmo é necesario que cadaquén traia o seu bote ou cantimplora para poder hidratarse pois este ano suprímense os vasos de plástico nos avituallamentos. Os avituallamentos serán xenéricos a base de auga, bebidas isotónicas, froitas, barriñas enerxéticas, bocadillos, empanada, etc.. se algunha persoa ten intolerancias, alerxias, ou algún outro tipo de necesidades alimenticias deberá traer o seu propio avituallamento.

8.- A PROBA. A saída da proba realizarase de maneira conxunta ás 9:00h. da Carballeira de Santa Minia. A partir das 9:10h, e unha vez que tome a saída a persoa designada pola organización para pechar a proba, non poderá sair ningunha persoa participante mais. O circuíto estará convintemente sinalizado con cinta de balizar (vermella e branca) e sinais pintadas con spray de cor rosa.
Esta andaina trátase dunha proba en liña, é dicir, NON SE REGRESA ao punto de partida (Carballeira de Santa Minia) ata finalizar a distancia escollida (16, 36 ou 50km).

9.- PUNTOS DE REGRESO Á META. No km 10,5 aprox. estará indicado, con un cartel perfectamente visible, o 1º punto de regreso á meta. Será neste momento onde poderás escoller regresar á meta para rematar a proba con 16km ou seguir de cara as distancias de 36 ou 50kms.
No km 24 aprox. (Bastavales), xunto o avituallamento central, estará o 2º punto de regreso á meta (tamén correctamente sinalizado). Neste momento terás que escoller seguir para rematar a proba con 36km ou con 50km. Podedes botar un ollo aos percorridos no seguinte enlace: https://bit.ly/3lGG8SR

10.- CLIMATOLOXÍA. Ainda non sabemos a temperatura que vai facer ese día, pero independentemente do tempo é moi recomendable que cada persoa participante leve unha mochila provista de gafas de sol e crema solar (protección) e non esta demais que levedes un chuvasqueiro impermeable para poder usalo no caso de choiva.

11.- DUCHAS E PISCINA. Haberá vestiarios e duchas na Piscina Municipal Cuberta de Brión, ademais todos os participantes que o desexen poden facer un uso libre das instalacións: saunas, ximnasio, piscina, etc... (imprescindible gorro de baño no caso de querer usar a piscina). Localización da piscina: https://goo.gl/maps/cCi798NqEvoGGKtG7

12.- ULTIMAS RECOMENDACIÓNS. Hai que ter especial coidado coa hidratación e a reposición de sales. Moito coidado coas vinchas nos pés!!!. NUNCA ESTRENAR CALZADO O MESMO DÍA DA ANDAINA. É recomendable levar "Compeed Ampollas" ou similar, que se pode atopar en calquera farmacia. RESPETA A NATUREZA!! NON DEIXES O LIXO TIRADO!!

Sen máis, vémonos o sábado 20 para desfrutar da 8ª ANDAINA TERRAS DE ALTAMIRA - CONCELLO DE BRIÓN